PATAY ang isang truck driver ng pabrika ng mantika nang tutukang barili sa dilim ng hindi pa nakikilalang salarin malapit sa bahay ng una kaninang madaling-araw, July 14, sa Brgy. San Agustin, Malabon City.
Dead-on-the-spot sa pinangyarihan ang biktimang si Arsenio Tuando, Jr., 45, may asawa, driver ng Spring oil na pag-aari ng shooter Tac Padilla ng 13 Maya St., Magsaysay ng nasabing barangay sanhi ng tama ng bala ng kalibre .45.
Agad namang tumakas ang suspek na parang walang nangyari dala ang ginamit na baril.
Sa isinagawang imbestigasyon ni Sp01 Edsel Dela Paz, alas-3:30 ng madaling-araw nang maganap ang insidente malapit sa bahay ng una sa nasabing lugar.
Ayon kay Mrs. Carina, asawa ng biktima, papasok sa trabaho si Tuando nang ilang saglit lang ay nakarinig siya ng malakas na putok ng baril sa labas ng kanilang bahay at nang puntaha’t tumambad ang duguang katawan ng asawa.
Nakarekober ang mga tauhan ng Scene of Crime Operatives (SOCO) ng isang empty shell ng kalibre .45 sa tabi ng bangkay ng biktima.
Patuloy ang isinasagawang imbestigasyon ng pulisya at inaalam ang tunay na motibo sa nasabing insidente. ROGER PANIZAL