LOVE triangle ang nakikitang motibo sa pamamaril sa isang dayo mula Tarlac sa bayan ng Anda, Pangasinan.
Nagpapagaling ngayon sa pagamutan ang biktima na si Jeremy Fajardo, 36, ng Baloc, San Clemente sa Tarlac.
Sa ulat, nagtungo umano ang biktima sa bahay ng kabit nitong si Dona Carolino ng Brgy. Dalaoan sa nabanggit na bayan kasama ang dalawa nitong kaibigan na si Raymund Carolino at Benjamin Collado na residente rin ng nabanggit na lugar.
Nang makapasok sa kusina ng bahay ni Carolino ang biktima ay bigla na lamang itong pinagbabaril ng hindi pa nakikilalang suspek.
Nagtamo ito ng tama ng bala sa ibaba ng bibig at likurang bahagi ng katawan.
Agad namang naisugod sa pagamutan ang biktima upang malapatan ng lunas habang ang suspek ay tumakas matapos ang insidente. Marjorie Dacoro