DAHIL sa pagbuyangyang ng kanilang nude photos, plano ng isang kolehiyala na kasuhan ang kanyang nobyong nagpasilip dito sa General Santos City.
Sinabi ng 20-anyos na dalaga na itinago sa pangalang Jane, na dahil sa insidente ay wala na siyang mukhang maipapakita pa sa kanilang mga barkada.
Malamang pa aniyang tumigil na lamang siya sa pag-aaral at lumipat sa ibang lugar na wala sa kanyang nakakakilala para ipagpatuloy ang kanyang kurso.
Humihingi naman ng paumanhin ang suspek na itinago sa pangalang Joshua, 19, estudyante, sa kanyang pagkakamali at hiniling sa kanyang nobya na huwag na siyang idemanda.
Depensa ni Joshua, nais lamang niyang patunayan na nobya niya si Jane kaya ipinasilip niya sa kanilang mga kaklase at kabarkada ang kanilang hubo’t hubad na litrato.
Nabatid na isang taon pa lamang magkarelasyon sina Joshua at Jane na humantong na ngayon sa hiwalayan. Robert C. Ticzon