TAGUIG City – Magulo, wasak ang bintana at bukas ang pinto nang datnan ng isang call center team manager ang kanyang tinitirhang silid sa Barangay Hagonoy, Biyernes ng umaga, hinala ng pulisya miyembro ng akyat-bahay ang may kagagawan.
Natangay ang mamahaling laptop at anim na pirasong relo ng biktima na si Ricardo L. Tiu, 33, na nagkakahalaga ng ilang libong piso.
Sa paglalarawan ng galit na biktima sa Investigation and Detective Management Section, dakong alas 4:30 ng madaling araw nang madiskubre niyang wasak ang bintana at puwersahang sinira ang kandado ng kanyang tinutuluyang silid na nasa ikaapat na palapag ng gusali sa Capistrano Street sa naturang lugar.