WALANG kaukulang piyansa sa nadakip ng mga pulis na bebot dahil sa pagtutulak ng droga sa Valenzuela City, Huwebes ng hapon, Agosto 14.
Kinilala ang nadakip na si Maria De Jesus, alyas Malen De Jesus, 30, ng Justicia St., Arty subd., Karuhatan ng lungsod.
Nabatid na nagpalabas ng warrant of arrest si Judge Emma Matammu ng RTC Branch 269 dahil sa pagtutulak ng droga ni De Jesus.
Hinanap ng mga pulis si De Jesus hanggang sa matiyempuhan sa Karuhatan ng lungsod at dinakip sa bisa ng nasabing warrant of arrest alas-2:30 ng hapon. Rene Manahan