HINOLDAP at tinangayan pa ng taxi ang isang driver ng dalawang hindi pa nakikilalang lalaki na naging pasahero ng una sa Caloocan City, Biyernes ng gabi.
Sa pahayag ng biktimang si Eldy Samson, 42 ng Hernandez St., Catmon, Malabon City, dakong alas-11:00 ng gabi nang maisakay niya ang mga suspek sa SM North EDSA.
Nagpahatid ang mga suspek sa Caloocan City at pagsapit sa Samson Road ng lungsod ay nagdeklara ng holdap.
Kinuha ng mga suspek ang P2,400 pasada ng biktima bago nagpadiretso muli ang mga suspek at pagsapit sa Cordero St., ng lungsod ay pinababa ang biktima bago tumakas tangay taksi na Toyota Vios (TYG-696).
Inaalam na ng pulisya ang pagkakakilanlan ng mga suspek.