HINDI na umabot pa sa Ilocos Training Regional & Medical Center (ITRMC) sa San Fernando City, La Union ang dalawang motorista makaraang magsalpukan ang pampasaherong jeep at motorsiklo sa Barangay Accao, Bauang, La Union.
Nasawi sina Armand Miana, driver ng motorsiklo at back ride nito na si Bernardo Abobo, 34, residente ng Barangay Central East, ng nasabing bayan.
Nabatid na patungo sa kanlurang direksyon ang pampasaherong jeep sa Naguilian-Baguio Road nang makasalpukan nito ang motorsiklo ng mga biktima.
Habang sugatan ang driver ng pampasaherong jeep na si Cesario Acosta, 54, residente ng Barangay Quinavite, sa nasabi ring lugar.
Kapwa hindi nakasuot ng helmet ang dalawang motorista nang maganap ang aksidente.