KALABOSO ang apat na katao matapos maaktuhan gumagamit ng shabu sa Caloocan City Sabado ng hapon, Marso 9.
Nakilala ang mga suspek na sina Ricky Amante, 38, Ian Concepcion, 34, kapwa ng Phase 8B Package 4, Bagong Silang, Caloocan City, Alejandro Tan, 42, at Rizalde Toriaga, 31, mga residente naman ng Tower Ville, San Jose Del Monte, Bulacan.
Nabatid na nakatanggap ng impormasyon ang mga pulis na talamak ang gamitan ng shabu sa Phase 8-B, Bagong Silang ng lungsod na naging dahilan upang lusubin dakong alas-3 ng hapon.
Naaktuhan ng mga pulis ang mga suspek na gumagamit ng shabu sa isa sa mga bahay sa nasabing lugar na naging dahilan upang dalhin sa presinto.