TACURONG City – Hindi na umabot nang buhay sa pagamutan ang barangay kagawad na anak ng vice mayor ng Tupi, South Cotabato matapos malapitang barilin ng riding in tandem.
Kinilala ni P/Insp Reynaldo Rojo, ng Lagao police ang biktima na si Leonillon Escobillo, Jr., 57-anyos, ng Miasong, Tupi.
Sa report, naganap ang pamamaril sa biktima sa liblib na lugar ng Lagao sa lungsod.
Hindi pa nagbibigay ng pahayag ang pamilya ng biktima ngunit nakatutok ngayon ang pulisya sa motibo na bangayan sa lupa na malapit sa isang minahan sa probinsya.
Nabatid ng awtoridad na ang biktima ay nagmamay-ari ng ilang cargo truck na pinauupahan sa minahan.