TODAS ang apat katao makaraang magkaengkuwentro ang Manila Police District (MPD) at gun for hire group sa Baseco Compound sa Port Area kaninang umaga.
Sa salaysay ni MPD Chief Supt. Alex Gutierrez, napatay ng kanyang mga tauhan ang apat na suspek makaraan ang isinagawang follow up operations.
Nabatid na aarestuhin na sana ang apat nang manlaban ang mga ito sa kanyang mga tauhan.
Wala pang pagkakakilanlan ang apat na napatay na pawang mga dayo sa lugar.
Narekober sa lugar ang dalawang kalibre .45 at kalibre .38 na baril.
Sugatan sa engkwentro kaninang umaga ang isang kagawad ng barangay na kinilalang si Jonrey Cabual.