BASAG ang bungo ng isang stay-in security guard ng isang cargo company matapos itong hatawin ng martilyo at tubo sa ulo ng mga kainuman sa Tondo, Maynila.
Dead on the spot ang biktima na si Jomar Oledan, 25-anyos, stay-in sa Wells Cargo na matatagpuan sa Pier 2, Isla Puting Bato sa Manila North Harbor.
Sa report ni SPO1 John Duran, imbestigador ng MPD-Homicide Section, ganap na alas-3:00 ng madaling araw nang maganap ang insidente sa compound ng nasabing kumpanya.
Nagkaroon nang pagtatalo ang biktima at tatlong hindi nakilalang lalaki na nakainuman nito at umano’y mismong kababayan nito sa Samar.
Agad na tumakas ang mga suspek matapos ang insidente na ngayon ay pinaghahanap ng pulisya.