INAMIN ni AFP spokesperson Brig. Gen. Restituto Padilla na nagdadahan-dahan na sila ngayon sa kanilang pag-atake sa Maute group dahil mas lalong naging kaunti at maliit na ang lugar na ginagalawan ng nasabing grupo sa Marawi City.
Sa Mindanao Hour briefing sa Kalayaan Hall, Malakanyang ay sinabi ni BGen. Padilla na nag-dobleng hirap naman para sa tropa ng pamahalaan ang i-clear ang mas maraming gusali dahil sa bilang ng mga improvised explosive device (IED) na iniwan ng mga nasabing grupo.
“And at the same time, the complexity of the battlefield because the enemies are already very close at hand. In fact, the street-to-street fighting is ongoing as of this moment, and our forces are focused and determined to push the envelope so that soon we can say that Marawi is totally liberated,” ayon nito.
Karapatan ng gobyerno na ilagay ang kanilang security forces sa isang level o angkat na kapasidad upang makatugon sa mga banta na kanilang hinaharap.
Ani BGen. Padilla, kung may malaking banta na maglalagay sa alanganin ng ilang mga buhay ay irerekumenda na huwag magsabi ng kahit na anumang bagay.
“Isa pa pong pagpapahambing ano. Itong kamakailan, alam ko batid niyo at sinusundan niyo ang mga kaganapan sa buong mundo. Ang ibang bansa ay may banta rin galing sa mga terorista tulad ng nangyayari sa United Kingdom. So ganun din po sa atin. Ganun din po ang ire-recommend ng ground commander,” ani BGen. Padilla. KRIS JOSE