NAARESTO ng mga tauhan ng Philippine Drug Enforcement Agency (PDEA) ang isang 32-anyos na pulis at ka-live in partner nito sa ikinasang buy bust operation sa Pasay City.
Kinilala ni PDEA Director General Undersecretary Arturo G. Cacdac, Jr. ang mga suspek na sina Police Officer 1 (PO1) Edmund Gonzales, residente ng No. 1485 A. Rivera Street, Tondo, Manila; at Cecille Magbutay, 25, ng Shiling Street, Phase 8, North Fairview, Quezon City.
Ang dalawa ay naaresto matapos bentahan ng 100 gramo ng shabu ang isang PDEA agent na nagpanggap na buyer sa isang kilalang fast food chain sa Arnaiz Ave. Pasay, Barangay 76, Zone 10, Pasay City, nitong Abril 15.
Bukod sa iligal na droga, nakuha rin sa mga suspek ang isang kulay itim na MIO motorcycle, dalawang mobile phone at dalawang P500 na marked money na ginamit sa buy-bust.
Nahaharap ang mga suspek sa kasong paglabag sa Section 5, Article II, ng Republic Act 9165, o Comprehensive Dangerous Drugs Act of 2002.
Batay sa report, si Gonzales ang ikatlong pulis na naaresto ng PDEA makaraan ang dalawang linggong operasyon