BUMAGOK sa kalsada ang ulo ng isang lasing na lalaki nang mahulog mula sa sinasakyang dyip sa Cagayan de Oro City kaninang madaling-araw (Abril 21).
Dead on the spot sanhi malaking putok sa ulo ang biktimang si Edito Deligado, ng Elena Homes, Barangay Macasandig, CDO.
Pinag-aaralan pa ng pulisya kung pananagutin ang tsuper ng pampasaherong jeep na pansamantalang hindi muna ibinunyag ang pangalan.
Sa ulat, naganap ang insidente dakong 12:45 ng madaling-araw sa Buena Oro St., Barangay Macasandig.
Lasing na lasing ang biktima at sumakay sa isang PUJ at umupo sa tabi ng tsuper ng dyip.
Subalit pagdating sa Buena Oro, biglang nahulog sa kanyang kinauupuan ang biktima na una ang ulo na humampas sa kalsda.