NAGPAKAMATAY ang 17-anyos na dalaga makaraang mapagalitan ng kanyang ama dahil sa hinalang siya ay buntis sa Tigaon, Camarines Sur.
Kinilala ang nagpakamatay na si Mary Rose Pesimo, 17, ng Barangay Tinawagan sa nasabing bayan.
Nabatid na pinagalitan si Mary Rose ng kanyang ama na si Vicenter Pesimo sa hinalang buntis ito na labis na dinamdam ng biktima.
Matapos na kagalitan ay nagkulong ang biktima sa kuwarto hanggang sa tumambad na lamang sa kanila ang wala nang buhay na biktima habang nakabitin sa kisame gamit ang isang lubid.