KULONG ang isang trucker matapos mahulihan ng isang kilong hotdog na ipinuslit palabas ng kumpanya sa Caloocan City Biyernes ng hapon, Abril 26.
Nahaharap sa kasong theft si Gonzaldo Coro, 34, ng Trece Martirez, San Jose, Navotas.
Sa ulat, dakong alas-4 ng hapon, papalabas na ang suspek sa Frabelle Food Corporation sa Dagat-dagatan Avenue ng lungsod nang siyasatin ng guwardiyang si Patricio Gutierrez ang dalang truck ni Coro.
Napansin ng guwardiya ang isang supot na naglalaman ng 1 kilong Bossing Cheeszy dog at nang hanapan ng resibo ay walang maipakita ang suspek.
Dahil dito, dinala ng guwardiya sa pamunuan ng Frabelle ang suspek hanggang sa utusan ang sekyu na dalhin sa presinto bago sinampahan ng nasabing kaso.