ANIM katao ang nasugatan makaraang tumagilid ang isang pampasaherong bus sa Litex Road, Commonwealth, Quezon City ngayong hapon.
Ayon sa inisyal na ulat ng Metro Manila Development Authority (MMDA), nawalan ng preno ang Jackpherlyn Bus na may biyaheng Quiapo-SM Fairview dahilan ng pagtagilid nito.
Isinugod sa malapit na ospital ang mga sugatan kabilang ang isang malubhang pasahero na nagtamo ng bali sa paa.
Nasa kustodiya naman ng pulisya ang driver ng bus.
Kasalukuyang iniimbestigahan ang insidente.