TODAS ang isang totoy matapos maatrasan ng tractor head habang namumulot ng mga pako ang una upang ibenta sa Caloocan City Miyerkules ng hapon, Mayo 8.
Namatay habang ginagamot sa Jose Reyes Memorial Medical Center si Jaymark Tongol, 7 ng Sabalo st., ng lungsod.
Sumuko naman sa mga pulis si Agustin Centino, nasa hustong gulang ng Dasmariñas, Cavite.
Sa ulat, dakong alas-3 ng hapon, nakahinto ang dalang Tractor Head (RGT-637) ng suspek at naghihintay na makapasok sa container yard sa Accohomes, Barangay 14 ng lungsdo nang biglang umatras ang sasakyan at natamaan ang biktima na namumulot ng mga pako.
Naiipit ang katawan ng biktima sa hulihan gulong ng sasakyan at nang makuha ay agad na dinala sa JRMMC.