KRITIKAL ang mga lagay ng isang mekaniko at tricycle driver matapos itong pagbabarilin ng hindi pa nakikilalang mga armadong kalalakihan Biyernes ng gabi sa Brgy. San Roque, Navotas City.
Kapwa inoobserbahan sa Jose Reyes Memorial hospital sina Bernardo Berbosa 19, binata, tricycle driver, at Edgardo Bulaong, 37, binata, ng Blk 5 Bacog St., Daang Hari ng nasabing lungsod sanhi ng mga tinamong tama ng bala ng hindi pa batid na kalibre ng baril sa iba’t ibang parte ng kanilang katawan.
Mabilis na tumakas ang dalawang suspek bitbit ang kanilang ginamit na baril.
Ayon sa imbestigasyon ni P03 Edwin Guzman ng Station Investigation Division (SID) ng Navotas pulis, dakong alas 11:00 ng gabi ng maganap ang insidente sa kahabaan ng Cabrera sa nasabing barangay.
Nabatid, naglalakad pauwi ang mga biktima sa nasabing lugar ng bigla na lamang lumitaw ang mga suspek at walang habas na pinagbabaril ang mga biktima.
Matapos ang pamamaril mabilis na tumakas ang mga suspek habang ang biktima ay kapwa dinala ng mga sa nasabing pagamutan.
Kasalukyang inaalamn ng mga imbestigador ang tunay na motibo sa nasabing pamamaril, habang isang manhunt operation ang inilatag ng pulisya laban sa mga suspek.