NAGLIYAB ang mobile multi cab service ng Quezon City Police habang nakaparada sa compound ng Quezon City Hall sa Diliman, Quezon City kaninang hapon Mayo 12, 2013 (Linggo).
Ayon sa ulat dakong 2:10 ng kaninang hapon nang magsimulang umusok at magliyab ang multi cab service ng QCPD ng Brgy. Bagong Lipunan ng Crame Police Community Precinct(SHU-265).
Pinagtulungan bombahin ng mga nakatalagang security guard ng QC Hall ng fire extinguisher ang nagliliyab na multi cab na agad naman napatay ang umuusok na sasakyan.
Hindi na nakadamay pa sa mga katabing sasakyan ang nagliyab na multi cab.
Inaalam na ng mga awtoridad ang dahilan kung bakit nagliyab ang multi cab service ng Quezon City police.