DALAWANG pagsabog ang naganap sa Sharif Aguak, Maguindanao ngayong umaga lamang ng Mayo 13.
Ayon kay Supt. Rodelio Jocson, provincial director ng Maguindanao PNP, unang sumabog ang isang M203 grenade launcher alas-2:00 kaninang madaling araw at sinundan ng alas-10:00 nitong umaga lamang.
Nabatid na ang unang pagsabog ay 20 metro lamang ang layo sa compound ng Division Office ng Sharif Aguak, Maguindanao habang mas malapit ang naganap na ikalawang pagsabog na may 10 metro lamang ang layo mula sa polling area sa nasabing bayan.
Hinala ng pulisya na pananakot lamang ang motibo sa naganap na pagsabog.