NASAWI ang isang babae habang sugatan ang mister nito at ang walong buwang sanggol nilang anak makaraang sumalpok ang sinasakyan nilang motorsiklo sa isang multicab sa highway ng Barangay Gusawan, Siay, Zamboanga Sibugay.
Nabatid na nagtangkang mag-overtake ng driver ng motorsiklo na si Roland Postrero Estriba, 24, kasama ang nasawing misis na si Betcher Cane, 23, at ang sanggol nilang anak sa multicab.
Nawalan ng preno ang motorsiklo dahilan upang mabangga ito ng multicab.
Idineklarang dead on arrival sa Kabasalan Municipal Hospital si Betcher habang nasa kustodiya na ngayon ng Siay municipal police station ang driver ng multicab na kinilalang si Arsenio Kadoyak Dagoldolan, 51, na nahaharap umano sa kaso.