TODAS ang store owner na babae matapos barilin ng hindi pa kilalang lalaki na nagpanggap na costumer sa tindahan sa Caloocan City Martes ng gabi, Mayo 21.
Dead-on-arrival sa Commonwealth Hospital sanhi ng tama ng bala sa leeg si Isabel Millares, 59 Bitaog st., Amparo ng lungsod.
Inilarawan lang ang suspek na naka-berdeng t-shirt at maong pantalon.
Batay sa ulat, dakong alas-10:30 ng gabi, nagsadya ang suspek at nagkunwaring bibili sa tindahan ng biktima sa nasabing lugar.
Nang tanungin ng biktima kung ano ang bibilhin ng suspek ay biglang nagbunot ng baril at pinutukan ang btiktima.
Matapos ang insidente ay tumakas ang suspek habang dinala naman ang biktima sa CH kung saan inaalam na ng mga pulis kung sino at ano ang motibo ng pamamaril.