KALUNOS-LUNOS ang sinapit ng 46-anyos na helper, matapos umakyat sa poste at mangisay nang sumabit sa mga live wire sa Quiapo, Manila ngayong hapon.
Kinilala ang biktima na si Ariel Albano, ng Evangelista St., Quiapo, Manila.
Sa report ng Manila Police District-Crime Against Persons Investigation Section, alas-3:00 ng hapon, nang magkikisay ang biktima na nakasabit sa kawad ng kuryente sa Evangelista St., malapit sa Isetann Recto sa Quiapo.
Nabatid sa ulat ng pulisya na malimit magpasikat ang biktima kapag lasing at napag-alaman sa kanyang mga kakilala na madalas din itong palakad-lakad lang sa kalye, pero kanina ay basta na lang naisipan na umakyat sa poste pero minalas nang mahawakan ang live wire kaya nagkikisay at namatay noon din.