NALAGAS sa isang check point encounter ang dalawang motorcycle riding robbers nang kumasa sa pulisya ilan sandali matapos mangholdap sa Quezon City kaninang madaling araw (Mayo 26) .
Isa sa mga hindi nakikilalang suspect na inilarawang 30-33 anyos, ang napuruhan sa dibdib habang ang isa naman na 28-30 anyos ay nasapul sa ulo.
Sa ulat, naganap ang insidente sa isang checkpoint sa Barangay Don Manuel, Q.C.
Bago ito, hinoldap ng dalawang suspect ang isang nagngangalang Mary Grace Beltran, isang factory worker habang ito ay pauwi sa nasabing barangay.
Imbes manlumo, dumulog sa pulisya si Beltran na nagkasa agad ng follow-up operation at nasita sa checkpoint ang mga suspect.
Pero dahil armado, lumaban ang mga suspect subalit nalagas din agad.