PATAY na nang matagpuan ang isang officer in charge ng Masbate town police chief matapos atakehin sa puso noong Martes ng gabi .
Ang biktimang si P/Insp. Alex Loyola Moral, OIC chief of police ng Mobo Municipal Police Station ay pinaniniwalaang may ilang oras nang patay dahil na rin sa kulay talong na ito at matigas na rin ang katawan.
Sa ulat, lumalabas na bandang alas-9:30 ng gabi nang madikubre ang insidente sa loob mismo ng kanyang opisina.
Ayon sa mga kasamahang pulis, bago ang insidente ay ilang araw na rin na iniinda ng kanilang opisyal ang pananakit ng dibdib.
Sa katunayan, pinayuhan na nila itong magpahinga subalit tumanggi ito at sinabihan silang mawawala rin ang kanyang masamang pakiramdam.
Ngunit ilang oras ang nakalipas, natagpuan na lamang nila itong wala nang buhay sa kanyang kuwarto.