PATAY sa leptospirosis ang isang titser sa Iloilo.
Sinabi ng Iloilo Provincial Health Office (IPHO) na ang hindi pinangalanang biktima ay 53-anyos na titser at residente ng Barangay Madong, Naniuay, Iloilo.
Dahil dito, nababahala ang IPHO dahil sa patuloy na pagtaas ng kaso ng leptospirosis sa nasabing lalawigan.
Sa panayam kay Dr. Ma. Socorro Quiñon, provincial health officer 1, sa kabuuan ay umaabot na sa 32 ang naitalang kaso ng leptospirosis sa Iloilo.
Nangunguna rito ang bayan ng Cabatuan sa may pinakamaraming kaso habang may naitala rin sa Pototan, Santa Barbara, Dingle at Janiuay.