TODAS ang tatlong miyembro ng pamilya makaraang pasukin ng mga suspek sa mismong tahanan ng mga ito sa Sitio Calantucan, Barangay Tambulan, Tayasan, Negros Oriental, Huwebes ng gabi.
Base sa ulat ni PO1 James Caliao ng Tayasan Police, natutulog sa bahay ang mga biktima nang pasukin at pagsasaksakin ng hindi pa nakikilalang mga suspek.
Nakilala ang mga biktima na sina Margie Islao, ina at kanyang dalawang anak na sina Sed Wilfred at Larabelle.
Habang nakaligtas naman ngunit nagtamo ng sugat ang dalawang taong gulang na si Anabelle.
Kasalukuyan pa ring inaalam ng pulisya ang motibo sa pamamaslang.