SUGATAN ang ice cream vendor matapos tamaan ng bala mula sa pinag-aagawan baril ng isang hindi pa kilalang holdaper at negosyante sa Caloocan City Martes ng umaga, Hunyo 4.
Ginagamot sa President Diosdado Macapagal Memorial Medical Center sanhi ng tama ng bala sa puwet si Emmanuel Jibulan, 51 ng General Concepcion, Bagong Barrio ng lungsod.
Sa ulat, alas-11 ng umaga, papasakay ng sasakyan ang negosyanteng si Nestor Montecillo, 40 malapit sa kanilang bahay sa 9th Avenue nang lapitan ng isa sa dalawang hindi pa kilalang holdaper at tutukan ng baril.
Nagawang mahawakan at makipagbuno ni Montecillo sa baril na pumutok at tinamaan si Jibulan na napadaan sa nasabing lugar.
Mabilis na nagsitakas ang mga suspek habang dinala ang biktima sa PDMMMC.
The post Ice cream vendor sapol sa puwet ng ligaw na bala appeared first on Remate.