KRITIKAL ang magpinsan habang dalawa pa ang nasugatan nang paulanan ng bala ng hindi pa kilalang suspek na nakahelmet sa loob ng bagong bukas na junkshop ng mga una sa Caloocan City Huwebes ng hapon, Hunyo 13.
Dinala sa magkakaibang ospital sanhi ng mga tama ng bala sina Cecile Ritos, 39, at Melbourn Conlio, 36, kapwa ng Phase 9-C habang tinamaan naman ng ligaw na bala sa katawan sina Maximo Patok, 47, ng Phase 3-C pawang ng Bagong Silang ng lungsod at Leonilo Rey Matias, 34, ng Marilao, Bulacan.
Sa ulat, dakong ala-1:30 ng hapon, abala ang magpinsan sa loob ng kanilang bagong bukas na junkshop sa Phase 9, Bagong Silang nang sumulpot ang suspek na naka-helmet at paulanan ng bala kung saan nahagip ng ligaw na bala sina Matias at Patok.
Matapos ang insidente ay tumakas ang suspek habang dinala ang mga biktima sa magkakahiwalay na ospital.Inaalam na ng mga pulis kung sino at ano ang motibo sa pamamaril.
The post Magpinsan niratrat, kritikal, 2 pa sugatan appeared first on Remate.