PATAY ang 81-anyos na lolo nang atakehin sa puso makaraang yanigin ng magnitude 6.5 na lindol ang Pacific coast ng Nicaragua kaninang madaling-araw, oras sa Pilipinas.
Ayon sa U.S. Geological Survey, naitala ang epicenter ng lindol sa layong 90 kilometro sa kanluran ng kabisera na Managua at may lalim na 36 kilometro.
Dahil dito, nagdeklara rin ng tsunami alert ang US Pacific Tsunami Warning Center sa lugar bilang paghahanda sa anumang posibleng idulot ng malakas na paglindol.
Nagkaroon ng mga crack ang ilang gusali kabilang na ang tanggapan ng Ministry of Development, Industry and Trade habang anim na bahay ang nasira sa naturang pagyanig.
Habang sa Lungsod ng Leon ay napinsala ang tuktok ng isang simbahan at nahulog ang ilang kagamitan sa loob nito.
Ang Nicaragua ay mayroong anim na milyong populasyon at matatagpuan sa Central America.
The post Nicaragua nilindol, lolo patay appeared first on Remate.