BUMIGAY na rin ang katawan ng isang guwardiya na pinukpok ng bato sa ulo makaraan ang dalawang araw na pakikipambuno kay kamatayan sa Paco, Maynila.
Kinilala ang biktima na si Marco Duhaylungsod, security guard na nakatalaga sa Philippine Columbian Association at huling nakatira sa 28 Quezon Avenue, Quezon City.
Sa report ni SPO1 Mario Asilo ng Manila Police District-Homicide Section, naganap ang insidente noong Hunyo 15 ng alas 5:20 ng umaga habang naka-duty ang biktima.
Nabatid naka-duty ang biktima at kasalukuyang nasa guard house nang sumulpot sa kanyang likuran ang suspek na armado ng bato at pinukpok ito sa ulo.
Nabatid na kinuha ang service firearm ng biktima na.38 kalibre, cellphone at pitaka nito bago tumakas ang suspek.
Nang makita ng kanyang kasamahang guwardiya mabilis na isinugod ang biktima sa Ospital ng Maynila na noon ay comatose na.
Nagtamo ng matinding pinsala sa ulo ang biktima na naging dahilan ng kanyang kamatayan.
Sa ngayon, nasa morgue pa ang labi ng biktima at hinihintay pa ang kaanak nito na magki-claim sa bangkay.
Patuloy naman ang pulisya sa pag-iimbestiga sa kaso sa posibilidad na matukoy ang responsable sa krimen.
The post Sekyu pinukpok ng bato sa ulo, patay appeared first on Remate.