DINUKOT ng New People’s Army (NPA) rebels ang limang sundalo sa Purok Lubas, Barangay Poblacion, Pakibato, Davao City kaninang umaga (Hunyo 18).
Sinabi ni Lt. Col. Lyndon Pamisa, tagapagsalita ng 10th Infantry Division, nanggaling sa pamamalengke ang hindi pinangalanang anim na sundalo ng 69th Infantry Battallion.
Pero pagsapit sa Purok Lubas, Barangay Poblacion, Pakibato, Dabao City, hinarang ng mahigit 15 rebelde na mga miyembro Ulang Bagani Company Uno ang dalawang habal-habal na sakay ang mga sundalo.
Hindi naman ng nawalan ng lakas ng loob ang isang tinyente at tumalon mula sa habal-habal at nagpagulong-gulong sa mga talahiban.
Nakasibilyan lamang at walang mga armas ang mga sundalo nang maganap ang insidente habang naka-sundalong uniporme naman at armado ng matataas na kalibre ng baril ang mga rebelde.
Naglunsad na ngayon ng hot pursuit operation ang Philippine Army para mabawi ang kanilang mga kasamahan.
The post 5 sundalo dinukot ng NPA appeared first on Remate.