MATIGAS na ang katawan ng isang 45-anyos na helper nang matagpuan ito kaninang madaling-araw sa loob ng motorshop sa Paco,Maynila.
Hinihinalang may ilang araw nang patay ang biktima na nakilalang si Ronald Torres, binata at stay-in sa pinapasukang motorshop sa 1159 Enriquez St., Paco, Maynila.
Sa report ni PO3 Jupiter Tajonera ng Manila Police District (MPD)-homicide section, dakong alas-4:00 ng madaling-araw nang matagpuang patay ang biktima sa nasabing motorshop.
Ayon kay Peter Bia, kasamahan sa trabaho ni Torres, naglilinis siya sa loob ng motorshop nang mapansin ang kakaibang pagkakahiga ng biktima.
Nang lapitan ay napansin ang natuyo nang dugo sa bunganga ng biktima at wala na itong buhay.
Ang biktima ay kilala sa lugar na manginginom at umano’y halos ginagawang kape ang alak at may sakit din umano ito sa atay na hinihinalang dahilan ng kanyang pagkamatay.
Inaalam din kung may naganap na foul play sa pagkamatay ng biktima.
The post Senglot, natagpuang patay sa motorshop appeared first on Remate.