KULONG ang mister matapos pahagingan ng bala ang nakatalong asawa sa loob ng kanilang bahay sa Caloocan City Huwebes ng hapon, Hunyo 27.
Nahaharap sa kasong illegal possession of firearm at violence against women’s and their children’s si Denis Doremon, 32, ng J. Rodriguez ng lungsod.
Sa ulat, dakong alas-5:30 ng hapon, nakatalo ng suspek ang asawang si Norilyn, 38, sa loob ng kanilang bahay at kinuha ng suspek ang kanyang kalibre .45 at ipinaputok sa sahig malapit sa ginang.
Hinimatay ang biktima na naging dahilan upang dalhin sa President Diosdado Macapagal Memorial Medical Center habang tumawag ng pulis ang ilang kaanak ng biktima.
Nang respondehan ay nakuha sa suspek ang kalibre .45 na walang kaukulang papeles na naging dahilan upang dalhin sa presinto at sampahan ng mga nasabing kaso.
The post Mister pinahagingan ng bala ang asawa, kulong appeared first on Remate.