KULONG ang isang kelot nang tangayin ang cash na salapi ng may-ari ng isang sail boat sa Tawiran 5 Brgy. San Roque, Navotas City Sabado ng tanghali June 29.
Kinilala ang suspek na si Romulo Del Mundo y Sintellises, 22, binata, ng Ferry 5 San Roque ng lungsod.
Ayon sa ulat, dakong alas 11:30 ng tanghali ng kulimbatin ng suspek ang pera ng biktimang si Antonio Pontezar y Real, 54, ng 1508 M. Naval St., Tangos, Navotas.
Nauna rito, lasing na sumakay si Del Mundo sa sail boat para tumawid sa kabilang pangpang ng ilog pero hindi napansin ng may ari na banka na kinulimbat ang kanyang cash na P5,000
Sa tulong ng mag-inang saksi na sina Rommel Guerrero, 12 anyos at nanay nitong si Rowena Palomar Guerrero, 45, mga pasahero din, nakita umanpo nila ang pagnakaw ng nasabing salapi.
Naging daan para magreklamo ang biktima sa pulisya at sa isinagawang follow up operation natunton ni P01 Emamanuel Candido ang suspek at agad itong dinala sa presinto.
Ang suspek ay sasampahan ng kaukulang kaso sa piskalya ng lungsod.
The post Kelot nangulimbat ng pera, arestado appeared first on Remate.