SUGATAN ang tatlong pulis makaraang magkatensyon sa pagitan ng mga residente at awtoridad sa Sitio San Roque, Barangay Pag-asa, Quezon City kaugnay ng isinagawang demolisyon.
Nabatid na binarikadahan ng mga residente ang Agham Road, na siya namang binuwag ng mga pulis ngunit hindi naging madali ang pagtaboy sa mga ito dahil sa kanilang pambabato.
Nagpaulan din ng mga bubog mula sa mga bote ng softdrinks pillbox at mga isinupot na dumi ng tao sa mga pulis ang mga residente.
Itinakda ang demolisyon sa mga bahay Lunes, Hulyo 1, sa Sitio San Roque matapos mapaso ang palugit na ibinigay sa mga residente, Hunyo 30 kung saan itatayo sa lugar ang central business district ng lungsod.
Dumating naman sa lugar ang mga kinatawan ng Commission on Human Rights (CHR) para pumagitna sa dalawang panig.
The post Demolisyon sa Kyusi, 3 parak sugatan appeared first on Remate.