BILANGGUAN ang kinahantungan ng isang Pilipina sa Dubai makaraang makasagasa ng isang matandang lalaki.
Batay sa report, patungo ng palengke ang 42-anyos na Filipina habang ang biktima ay tinitignan ang pumutok na gulong ng sasakyan nito sa Shaikh Mohammad Bin Zayed Road sa Dubai nang masalpok ng suspek.
Paliwanag ng Pinay, may isa pang sasakyan sa kaniyang unahan na biglang lumipat ng lane para iwasan ang sasakyan ng biktima at saka pa lang niya nakita ang sirang sasakyan kaya’t huli na para maiwasan na naging dahilan upang mabangga ang biktima.
Nakaligtas naman ang misis ng biktima habang ligtas din ang Pinay at ang 22-anyos na anak nito na kaniyang kasama sa sasakyan nang mangyari ang aksidente.
Sa inisyal na imbestigasyon, hindi raw nakapagpreno ang Pinay dahil mabilis ang pagpapatakbo ng sasakyan.
The post Pinay nakasagasa ng lolo sa Dubai, kulong appeared first on Remate.