KRITIKAL ang isang lolong tsekwa nang laslasan ng leeg ng hindi pa kilalang suspek matapos pagbuksan ng una ang nag-doorbell na huli sa Caloocan City Sabado ng umaga, Hulyo 6.
Ginagamot sa Chinese General Hospital sanhi ng laslas sa leeg si Go Hui Ho, 61 ng Fider st., 7th Avenue ng lungsod.
Sa pahayag ng kapatid ng biktima na si Melody, dakong alas-8:50 ng umaga, may nag-doorbell sa kanila na pinagbuksan ng biktima.
Makalipas ang ilang sandal nang hindi bumabalik ang biktima sa loob ng kanilang bahay ay lumabas si Melody at laking gulat nang makita ang kapatid na duguan.
Humingi ng tulong si Melody upang madala sa CGH ang biktima kung saan nawawala ang wallet nito na may laman na P2,000.
Inaalam na ng mga pulis kung sino ang suspek.
The post Lolong intsik nilaslasan ng leeg, kritikal appeared first on Remate.