NAMATAY ang isang pulis samantalang sugatan ang anak nito matapos pagbabarilin ng mga hindi pa kilalang suspek sa Padre Garcia, Batangas.
Kinilala ang napatay na pulis na si PO2 Dominic Bituin nakatalaga sa Provincial Special Operations Group (PSOG).
Sugatan naman ang anak nitong si John Rio Bernadas, 8-taong gulang.
Ihahatid ni Bituin ang anak sa Padre Garcia Central School kaninang umaga nang lapitan ng lalaking nakakulay abong damit at pagbabarilin gamit ang kalibre .9mm na baril.
Naganap ang insidente sa mismong compound ng paaralan.
Itinakbo pa sa Rosales Hospital ang mag-ama ngunit idineklarang patay si Bituin dahil sa tama ng bala sa ulo.
Samantala, patuloy na ginagamot sa Villa Hospital sa Lipa City ang anak ng pulis.
Patuloy ang hot pursuit operations sa suspek habang inaalam pa rin ang motibo sa pamamaslang.
The post Pulis patay, anak sugatan sa pamamaril appeared first on Remate.