SWAK sa kulungan ang dalawang bellboy matapos ang isinagawang buy-bust operation sa loob ng hotel sa Caloocan City Lunes ng gabi, Hulyo 8.
Kinilala ang mga suspek na sina Tomas Tolosa, 42 ng Phase 7, Bagong Silang ng nasabing lungsod at Gil Madulio, 43 ng Molave st., Sta. Maria, Bulacan.
Ayon kay Senior Insp., Fortunato Ecle, hepe ng Station Ati-Illegal Drugs-Special Operation Task Group ng Caloocan City Police, nakatanggap sila ng impormasyon na nagbebenta ng shabu ang mga suspek sa loob ng Marsman Hotel sa 2nd Ave., ng nasabing lungsod.
Alas-11:30 ng gabi, nagsagawa ng buy-bust operation ang mga pulis kung saan nang iabot ng pulis na nagkunwaring bibili ang P1,000 kapalit ng dalawang sachet ng shabu ay mabilis na dinamba ang mga suspek at dinala sa presinto.
The post 2 bellboy huli sa shabu sa Caloocan appeared first on Remate.