HINATULAN kaninang umaga ng habambuhay na pagkabilanggo ng Quezon City court ang isang lalaki at babae matapos mapatunayang nagkasala ng kasong kidnapping at serious illegal detention sa isang tricycle driver apat na taon na ang nakalilipas.
Kinilala ang hinatulan ng habambuhay na si Joege Laguno at Francia Regachuelo na napatunayang dumukot sa isang biktimang tricycle driver na kinilalang si Christian Philip Galera.
Ayon sa rekord ng korte dinala ang biktimang si Galera ng mga akusado sa isang liblib na lugar ng Santa Rosa, Laguna at sinaksak ang una na malubhang ikinasugat nito.
Nabatid sa 12-pahinang desisyon ni Judge Charito Gonzales ng Quezon City Regional Trial court Branch 80, si Galera ay nagbigay ng testimonya sa insidente mula sa pagdukot sa kanya habang sakay si Laguno ng isang tricycle sa Molave St., Project 3, QC.
Nabatid sa rekord na dinala ang biktima sa K7th Street, Kamias at puwersang ipinasok sa Mitsubishi Pajero na minamaneho ni Ragachuelo nitong nakalipas na Enero 11, 2009.
Napatunayan din ng korte na ang mga akusado ay puwersahang dinukot ang biktima ng labag sa kanyang pagkatao.
“No matter what the intention of the accused in getting Galera, the accused had no right to deny Galera’s application to go home. The accused determined effort to drive towards Sta. Rosa Laguna despite Galera’s continued plea to turn around shows the unequivocal intent of the two accused to deprive Galera of his liberty,’’ ayon sa desisyon ng korte.
Ayon sa rekord tinangkang patayin ang biktima sa pamamagitan ng pagsaksak sa kanya at iniwan ng mga akusado subalit nabuhay ito dahilan para makahingi ng saklolo at ipagharap ng kaso ang mga suspek.
The post 2 hinatulan ng habambuhay na pagkabilanggo sa QC appeared first on Remate.
