ISANG driver ang namatay makaraang magsalpukan ang dalawang tricycle sa Calaba, Bangued, Abra.
Nabatid na tinatahak ng tricycle na minamaneho ni Jhonifer Blaza ang Abra-Ilocos Norte road nang makasalpukan ang tricycle na minamaneho ni Dennis Altero.
Sakay sa tricycle na minamaneho ni Blaza ang nanay nito na si Merlita Blaza, kapatid nito na si Raymart at pinsan na si Nancy Gavanes nang mangyari ang aksidente.
Agad na naisugod sa Abra Provincial Hospital sina Merlita Blaza at Dennis Altero na kapwa nagtamo ng mga sugat ngunit si Altero ay idineklarang patay.
Sa kasalukuyan ay inaalam pa ng awtoridad kung ano ang sanhi ng nasabing aksidente.
The post 2 trike nagsalpukan: Driver todas appeared first on Remate.