KINUBRA na kanina ng 40-anyos na guro ang mahigit P23 milyon na napanalunan sa 6/45 Mega Lotto na binola noong Hulyo 10 sa tanggapan ng Philippine Charity Sweepstakes Office (PCSO) sa Pasay City.
Solong napanalunan ng isang guro na taga-Tarlac City at may limang anak ang tamang kombinasyong 41-09-45-03-21-17 na hinulaan at tinayaan lamang niya ng P20 at may katumbas na kabuuang jackpot prize na P23,715,528.00.
Ayon kay PCSO general manager Jose Ferdinand Rojas II, bukod sa pagtatayo ng sariling paaralan ng instant milyonaryong guro ay ilalaan din niya ang bahagi ng napanalunang premyo sa pag-aaral ng kanyang mga anak.
The post P23-M jackpot sa 6/45 Mega Lotto kinubra na appeared first on Remate.