TODAS ang magkapatid at ang isa pang babae makaraang magsalpukan ang dalawang motorsiklo sa highway ng Purok San Francisco, Barangay Guinoman, Diplahan, Zamboanga Sibugay.
Nabatid na nakasakay sa isang motorsiklo ang magkapatid na Jovenson Pilare Gomera, 18, at ang nakatatanda nitong kapatid na si Juvy Pilare Gomera, 25, nang makasalpukan ang kasalubong na motorsiklo na minamaneho naman ng isang Jenifer Cuajotor Calunod.
Sa lakas ng pagkakasalpok, tumilapon ng ilang metro ang tatlong biktima mula sa kanilang mga motorsiklo na nagresulta sa grabeng bugbog at sugat sa kanilang katawan.
Agad na nasawi ang isa sa mga biktima habang binawian naman ng buhay ang dalawa habang nilalapatan ng lunas sa isang ospital.
Kasalukuyang nasa kustodiya na ng pulisya ang dalawang nawasak na motorsiklo.
The post 2 motor nagsalpukan: Mag-utol, bebot todas appeared first on Remate.