KRITIKAL ang isang binata nang tarakan ng patalim sa leeg ng isang binatilyo habang papalabas sa isang computer shop sa Malabon City Biyernes ng gabi, July 19.
Inoobserbahan sa Jose Reyes Memorial Medical Center Si Lyndon Erilla, 19-anyos, residente ng Paradise Village, Brgy. Tonsuya ng nasabing lungsod sanhi ng tinamong saksak sa leeg.
Arestado naman ang suspek na si Roger Manlapaz, 17-taong gulang, kalugar ng biktima.
Ayon sa ulat, dakong alas 11:00 ng gabi na maganap ang insidente sa labas ng isang computer shop sa nasabing lugar.
Nabatid, palabas ang biktima sa naturang computer shop nang salubungin ito ng suspek na armado ng patalim at walang sabi-sabing tinarakan ito ng saksak sa leeg.
Agad isinugod sa nabanggit na pagamutan ang biktima kung saan ito patuloy na inoobserbahan. Naaresto naman ang suspek habang papasakay ng bus kasama ang menor de edad nitong kasintahan.
The post Binata tinarakan sa leeg, kritikal appeared first on Remate.