KRITIKAL ang isang referee at isang ginang nang putukan ng alyas Silver Boy sa Caloocan City Linggo ng gabi, Hulyo 21.
Inoobserbahan sa President Diosdado Macapagal Memorial Medical Center sanhi ng tama ng bala sa leeg si Danilo Cordero, 31, ng Balong Bato ng lungsod.
Sa Tondo Medical Center naman ginagamot sanhi ng tama ng bala sa katawan si Irma Tudence, 49, ng Libis Nadurata ng lungsod habang pinaghahanap ng mga pulis ang kalugar na si Albert Quijada, 23, alyas Silver Boy.
Batay sa ulat, dakong alas-7:30 ng gabi, pinuntahan ni Cordero si Quijada sa Libis Nadurata upang singilin sa utang subalit hindi nakapagbayad ang huli na naging dahilan ng pagtatalo.
Pumasok ng bahay ang suspek at paglabas ay may dala ng baril bago pinagbabaril si Cordero at minalas na mahagip ng ligaw na bala si Tudence na naging dahilan upang dalhin sa mga nasabing ospital ang mga biktima at tumakas ang suspek.
The post 2 pinagbabaril sa Caloocan kritikal appeared first on Remate.