SWAK sa kulungan ang isang kawatan nang biktimahin ang isang Indian national kaninang umaga sa San Rafael Village Navotas City.
Kinilala ang suspek na si Gregorio Alicastre 46, ng 37-P Gabriel St., Sipac Almacen, nasabing lungsod.
Sa ulat, alas 9:30 kaninang umaga, naglalakad ang biktimang si Aman Kavr (Bombay) para maningil ng pautang sa nasabing lugar nang lapitan ng suspek at agad tinutukan ng patalim sabay deklara ng holdap.
Nagkataon namang nagroronda ang mga barangay tanod na sina Ernesto Villamor at Manolito Carlo kaya nakahingi ng tulong ang biktima.
Sa follow-up operation, naaresto ang suspek at agad dinala sa presinto.
The post Holdaper na nambiktima ng Indian, tiklo appeared first on Remate.