PATAY ang isang pitong taong gulang makaraang masagasaan ng driver ng mini dump truck sa Baguio- Itogon Road.
Kinilala ang suspek na si Roldan Dayaw Fronda , 21, minero, ng Riverside, Loacan, Itogon, Benguet, at nadawit din sa kaso ang kanyang helper na si Dick Pablo, 21.
Habang kinilala ang biktima na si Matt Lander Wangit, Grade 1 pupil, ng Minerside, Ucab, Itogon, Benguet.
Nabatid na binabaybay ng sasakyan ang kalsadang patungo sa Barangay Tuding nang masagasaan ang biktima na tumatawid sa kalsada.
Agad namang dinala ng suspek ang biktima sa Baguio General Hospital ngunit idineklara ng mga doktor na dead on arrival.
Nahaharap sa kasong reckless imprudence resulting to homicide ang driver maging ang kasamahan nito.
The post 7-anyos pisak sa dump truck sa Baguio appeared first on Remate.