SUGATAN ang isang binata nang makipagbarilan sa mga pulis na nagsasagawa ng Oplan Sita sa Caloocan City, Biyernes ng umaga, Hulyo 26.
Ginagamot sa Jose Rodriguez Hospital sanhi ng tama ng bala sa kanang pigi si Rodel Bonson, 20, ng Vanguard, Camarin ng lungsod.
Batay sa ulat, dakong alas-12:45 ng madaling araw, nagsasagawa ng Oplan Sita ang mga pulis sa Capitol Hills, Camarin nang mapansin ang suspek angkas sa motorsiklo.
Pinara sina Bonson subalit sa halip na tumigil ay pinaharurot ang dalang motorsiklo na naging dahilan upang habulin.
Nagpaputok ng baril si Bonson na ginantihan ng putok ng mga pulis hanggang sa tamaan ang una at mahulog sa motorsiklo habang hindi na huminto ang kasama at nakatakas.
Dinala si Bonson sa JRH habang inaalam na kung sino ang kasama at ano ang lakad ng mga ito kung saan nakuha ang peng gun na gamit ng suspek.
The post Binata kumasa sa parak, sugatan appeared first on Remate.